خلوت کے گناہ (تنہائی کے گناہ) 65

 

خلوت کے گناہ (تنہائی کے گناہ)

از قلم : مجیب الرحمن 

                                                                               موجودہ دور انٹرنیٹ، موبائل اور ٹیکنالوجی کا ہے۔ جہاں ایک کلک پر پورا جہان آپ کے سامنے کھل جاتا ہے۔ ان لمحوں میں ہمارے ایمان اور تنہائی کا امتحان لیا جا رہا ہے۔ وہ جرائم جو لوگوں کے سامنے سر انجام دیے جاتے تھے۔ اب انٹرنیٹ کی دنیا میں سرانجام دیے جا رہے ہیں۔ بظاہر ہم یہ گناہ لوگوں سے چھپانے کی کوشش کرتے ہیں اور یہ بات بھول جاتے ہیں کہ اللہ رب العزت کی ذات تو دیکھ رہی ہے۔

(یستخفون من الناس)

 لوگوں سے تو چھپا لیتے ہیں

(ولا یستخفون من اللہ و ھو معھم)

"مگر اللہ سے نہیں چھپا سکتے کیونکہ وہ ان کے ساتھ ہے."

ہمارا لکھا اور دیکھا ہوا سب ہمارے نامہ اعمال میں محفوظ ہو رہا ھے جہاں سے اسے صرف سچی توبہ ہی مٹا سکتی ہے.

یہ سب امتحان اس لئے ہیں تاکہ

 (لیعلم اللہ من یخافه بالغیب)

 اللہ تعالی جاننا چاہتا ہے کہ کون کون اللہ تعالی سے غائبانہ ڈرتا ہے۔

                                                                               یہ لکھنے والے ہاتھ اور پڑھنے والی آنکھیں ، سب ایک دن بول بول کر گواہی دیں گے۔

: { الْيَوْم نَخْتِم عَلَى أَفْوَاههمْ وَتُكَلِّمنَا أَيْدِيهمْ وَتَشْهَد أَرْجُلهمْ بِمَا كَانُوا يَكْسِبُونَ)

 (یسن – 65)

” آج ہم انکے منہ پر مہر لگا دیں گے اور ان کے ہاتھ ھم سے بات کریں گے اور ان کے پیر ان کے اعمال کی گواہی دیں گے"

                                                                                گناہ کے دوران ہمارا کوئی بیوی بچہ یہاں تک کہ بلی یا ہوا کا جھونکا بھی دروازہ ہلا دے تو ہماری پوری ہستی ہل کر رہ جاتی ھے ، کیوں ؟ رسوائی کا ڈر ، امیج خراب ہونے کا ڈر

                                                                               اس دن کیا ہو گا جب ہماری بیوی بچے اور والدین بھی سامنے دیکھ رہے ہونگے اور دوست واحباب بھی موجود ہونگے

                                                                               اس دن زمانہ دیکھ کہ اللہ تعالی ایک ایک عمل کا حساب کتاب لیں گے۔ برے اعمال کی صورت میں رسوائی اور خواری ہمارا مقدر بن جائے گی۔

                                                                               آج بھی صرف توبہ کے چند لفظ اور آئندہ سے پرہیز کا عزم ہمارے پچھلے کیے ہوئے گناہوں کو صاف کر سکتا ہے. اور ہمیں اس رسوائی سے بچا سکتا ہے.

اللہ کے رسول صلي الله عليه وآلہٖ وسلم دعا مانگا کرتے تھے کہ

(مفہوم)

 اے اللہ میرے باطن کو میرے ظاھر سے اچھا کر دے

                                                                               خلوت کے گناہ انسان کے عزم وارادے کو متزلزل کر کے رکھ دیتے ہیں. یوں ان میں خود اعتمادی اور معاملات میں شفافیت سے بھی ہاتھ دھو بیٹھتا ھے.

(اِتَّقِ الله حيث ما كنت)

جہاں کہیں بھی ہو اللہ سے ڈرو.

اللّہ تعالٰی ہم سب کی حفاظت فرمائے.

آمِین...".