تحریری اور غیر تحریری آئین 61

 

تحریری اور غیر تحریری آئین

ازقلم: استاذ حافظ عبد الحنان کیلانی

                                                                                                 ہر شعبہ کی اپنی زبان ہوتی ہے قانونی زبان میں جب تحریری اور غیرتحریری آئین میں فرق کیا جائے تو اس وقت تین طرح کے فروق مراد ہوتے ہیں:

1۔ ہر وہ آئین جسے پارلیمنٹ پاس کرے وہ تحریری ہوتا ہے۔ جیسے امریکن قانون ہے۔  اس کے برعکس برطانوی قانون غیر تحریری ہے کیونکہ اس کی اساس رسوم و رواج اور روایات، میگنا کارٹا، ہیں۔

2۔ ہر وہ آئین جو دفعاتی شکل میں ہو وہ تحریری ہوتا ہے اور جو دفعاتی شکل میں نہ ہو وہ غیرتحریری ہوتا ہے۔  جیسے پاکستانی آئین کی 280 دفعات ہیں۔ ایسے ہی امریکن آئین کی دفعاتی شکل ہے جبکہ برطانوی آئین غیر دفعاتی شکل میں ہے۔

3۔ ہر وہ آئین جو یکجا ہو، ایک ہی جگہ جمع ہو اسے تحریری کہتے ہیں جیسے امریکن آئین ہے اور جو آئین ایک جگہ جمع نہ ہو وہ غیر تحریری ہوتا ہے۔ جیسے برطانوی آئین ہے۔ کیونکہ اس کی اساس رسوم رواجات وغیرہ ہیں۔

                                                                                     واضح رہے جو آئین غیر تحریری ہوتا ہے وہ لچک دار ہوتا ہے۔  اس میں تبدیلی ہوتی رہتی ہے جیسے برطانوی آئین ہے۔ اس کی  بنیاد رسوم و رواجات ہیں۔

قرآن و سنت :

                                                                                     درج بالا خصوصیات کے تناظر میں دیکھا جائے تو اسلامی آئین قرآن و سنت تحریری اور غیر تحریری ہے۔ یہ پارلیمنٹ کے ذریعہ پاس نہیں ہوا۔ یہ دفعاتی شکل میں نہیں۔ ان دو خصوصیات کے حوالے سے یہ غیر تحریری ہے البتہ یہ ایک جگہ جمع ہے اور اس میں تبدیلی نہیں ہوسکتی۔ اس لحاظ سے یہ تحریری ہے۔